Keçmiş futbolçu əmlak və pullarını itirdi

Keçmiş Rusiya milli komandasının qapıçısı Ruslan Niqmatullin boşanma ilə bağlı başına gələnlərdən danışıb və həyat yoldaşı Yelena ilə ayrıldıqdan sonra təxminən 200 milyon rubl itirdiyini açıqlayıb. “Ulusum”.az xəbər verir ki, NTV kanalında verdiyi açıqlamada, cütlüyün arasında heç bir nikah müqaviləsi olmadığını, yalnız şifahi razılaşmaların olduğunu qeyd edib.

"Sevgiə inanırdım... Heç vaxt nikah müqaviləsi təklif etmədim, çünki boşanma variantını heç vaxt düşünməmişdim", - deyə Niqmatullin bildirib.

Boşanma zamanı onlar Rusiyada ortaq mənzillərini satmağa qərar veriblər və əmlakın satışından əldə olunan təxminən 120 milyon rubl Niqmatullinə veriləcəkdi. Yelena isə ABŞ-da, Mayamidəki mənzilini saxlayacaqdı. Lakin nəticədə, Niqmatullin, həyat yoldaşının satılan əmlakın pulunu vermədiyini və özünə Mayamidəki evini saxladığını açıqlayıb.

Hazırda o, təxminən 200 milyon rubl itirdiyini qeyd edib və əmlakın bölünməsi ilə bağlı prosesin hələ də davam etdiyini bildirib.

Səidə