Təyyarədə ayaq şişkinliyinin qarşısını necə almaq olar?

Uzunmüddətli uçuşlarda çox insan ayaqlarında şişkinlik, ağırlıq və narahatlıq hiss edir. Bu, həm qan dövranının zəifləməsi, həm də hərəkətsiz qalma nəticəsində yaranır. Bəs buna qarşı nə etmək olar?

🔹 Hərəkətdə ol!
Hər 1-1.5 saatdan bir qalxıb bir neçə dəqiqə gəzməyə çalış. Ən azından oturduğun yerdə ayaq məşqləri et – ayaqlarını qaldır, döndər və uzat.

🔹 Çox sıx geyimlərdən uzaq dur.
Dar cinslər və ya elastik olmayan geyimlər qan dövranını zəiflədir. Rahat, nəfəs alan materiallardan hazırlanmış paltarlar geyin.

🔹 Su iç, amma ölçünü bil!
Orqanizmi susuz qoyma – bu qanı "qalınlaşdırır" və şişkinliyi artırır. Lakin çoxlu duzlu qidalar və qazlı içkilərdən uzaq dur.

🔹 Kompress corab geyin.
Xüsusi təzyiqli corablar ayaq damarlarının funksiyasını dəstəkləyir və şişmənin qarşısını alır. Xüsusilə ven problemi olanlar üçün faydalıdır.

🔹 Ayaqlarını yerə sıxma.
Dabanlarını yerə möhkəm basıb uzun müddət oturma – bu, qan axınını ləngidir. Ayağını ayağın üstünə aşırmaq da məsləhət deyil.

Unutma, təyyarədə sağlamlıq uçuş qədər vacibdir. Öz bədənini dinlə və kiçik tədbirlərlə böyük narahatlıqların qarşısını al!

Ulusum.az