İranda Denge qızdırmasına yoluxma sayı artıb

İranda Denge qızdırmasına yoluxma sayı artıb: “Xəstəlik növbəti aylarda epidemiyaya çevriləcək”.

İranda yeni yayılan və fəsadlar törədən Denge qızdırması xəstəliyinə yoluxan insanların sayı artıb və bu xəstəliyin sentyabr-oktyabr aylarında epidemiyaya çevriləcəyi ehtimalı var.

İranın səhiyyə nazirinin müavini Hüseyn Fərşidi bildirib ki, Hormozqan, Sistan və Bəluçistan, Buşehr və Gilan əyalətlərində 138 nəfər bu xəstəlikdən əziyyət çəkir.

Qeyd edək ki, Denge qızdırması Aedes ağcaqanadının sancması nəticəsində yaranır. Xəstəliyin qızdırma, baş, göz və əzələ ağrıları, oynaqların sərtləşməsi, burun və diş ətindən yüngül qanaxma kimi əlamətləri var.

Eltun Məmmədov