Kürdəmirdə yağışın fəsadları: SAKİNLƏR ŞİKAYƏT EDİR - FOTO - VİDEO EKSKLÜZİV

Kürdəmirdə normadan artıq yağan yağış sakinlərə çətin anlar yaşadıb. Səhəri sular içində açan şəhər sakinləri evlərindən çıxmağa çətinlik çəkiblər.

Sakinlərin Ulusum.az-a verdiyi məlumata əsasən, onların bəziləri öz maşınları ilə, bəziləri isə iri çəkmələr vasitəsilə evdən çıxmağa çalışıblar. Bu vəziyyət rayonun əsasən Heydər Əliyev və Bakı prospektlərində eləcə də Şəhriyar, Xanlar Səfərəliyev küçələrində özünü daha çox büruzə verib.

Yağış suların rayonda fərdi yaşayış evlərinə, həyətyanı sahələrə eləcə də sakinlərə məxsus təsərrüfatlara xeyli ziyan vurub.
Hazırda şəhərin bütün küçlərində yığılıb qalmış sel sularının çəkilməsi üçün aidiyyatı qurumların əməkdaşları səfərbər olunublar və lazımi zəruri işlər həyata keçirirlər.

Qeyd edək ki,artıq bir aya yaxındır ki, rayon ərazisinə yağan intensiv yağışlar nəticəsində rayonun bir neçə kəndlərində də təsərüffat sahiblərinə xeyli ziyan dəyib. Hazırda aidiyyatı qurumların əməkdaşları dəymiş ziyanın aradan qaldırılması istiqamətində zəruri işlər həyata keçirirlər.
Eltun Məmmədov