Kamçatkada zəlzələ seriyası: Sakit Okean yenidən silkələndi

Kamçatkada cəmi yarım saat ərzində biri digərini əvəz edən dörd zəlzələ qeydə alınıb. Rusiya Elmlər Akademiyasının Vahid Geofiziki Xidmətinin Kamçatka filialından verilən məlumata görə, təkanların maqnitudaları 5,0-dan 6,0-a qədər dəyişib.

5,2 bal gücündə zəlzələ Petropavlovsk-Kamçatskidən 248 km aralıda, 38,7 km dərinlikdə,

5,0 bal – 204 km aralıda, 13,7 km dərinlikdə,

5,4 bal – 297 km aralıda, 88 km dərinlikdə,

6,0 bal gücündə sonuncu zəlzələ isə 402 km aralıda, 77,1 km dərinlikdə baş verib.

Hələlik zəlzələlərin yerüstü hiss edilib-edilmədiyi barədə məlumat daxil olmayıb.

Bundan öncə, iyulun 30-da səhər saatlarında Kamçatka sahillərində 8,8 maqnitudalı dağıdıcı zəlzələ qeydə alınmışdı. Bu, bölgədə 1952-ci ildən bəri baş verən ən güclü zəlzələ olub. Təkanlar Sakit okeanda sunami yaradıb və Yaponiya, ABŞ və Filippin hökumətləri əhaliyə təcili xəbərdarlıq edib.

Ulusum.az