Yaponiyada rusiyalı qadının sirli ölümü: zorakılıq izləri aşkarlanıb

Yaponiyanın Osaka prefekturasında 50 yaşlı Rusiya vətəndaşı qadın yaşadığı mənzildə ölü vəziyyətdə tapılıb. Bu barədə Kyodo agentliyi məlumat yayıb.

Polis qadının ölümünü qətl kimi istisna etmir. Onun bədənində və üzündə zorakılıq əlamətləri – göyərmələr və xəsarətlər aşkar olunub. Hadisə barədə hüquq-mühafizə orqanlarına mərhumun əri məlumat verib. O da Rusiya vətəndaşıdır və ayrı yaşayırmış. Son günlər ər arvadı ilə əlaqə saxlaya bilmədiyi üçün narahat olub.

İlkin məlumata görə, mənzildən heç nə oğurlanmayıb, giriş qapısı isə bağlı vəziyyətdə olub. Hadisə ilə bağlı araşdırma aparılır.

Ulusum.az