İspaniya yox, Türkiyə! Buğa döyüşündə faciəyə az qalmışdı - FOTO - VİDEO

Muğla Menteşədə buğa döyüşü öncəsi təşkil olunan əyləncədə Halil Yetimoğlu buğanın buynuz zərbəsi ilə havaya uçuruldu.

Hadisə Menteşe rayonunun Doğanköy məhəlləsində, 1-ci Doğanköy Buğa Döyüşü öncəsi keçirilən əyləncə zamanı baş verib. Halil Yetimoğlu pul atmaq istəyərkən buğanın hücumuna məruz qalıb. Buğa ona yaxınlaşan Yetimoğlunu buynuz zərbəsi ilə havaya qaldırıb. Uçan Yetimoğlu yerə düşüb.



Hadisə barədə məlumat verildikdən sonra bölgəyə təcili tibbi yardım briqadaları göndərilib. İlkin müdaxilədən sonra Yetimoğlu təcili yardım maşını ilə xəstəxanaya çatdırılıb. Müalicə olunub evə buraxılan Yetimoğlunun sağlamlıq vəziyyətinin yaxşı olduğu bildirilib.



Hadisə anları tədbirə baxan şəxslərdən biri tərəfindən telefon kamerası ilə qeydə alınıb. Görüntülərdə Yetimoğlunun buğaya yaxınlaşdığı, buynuz zərbəsi aldığı və yerə yıxıldığı anlar əks olunub.

My Webpage

Ulusum.az