Silahlı cinayətkarlar həbsxananı yarıb keçdi

ABŞ-da təhlükəli dustaqlar həbsxanadan qaçıb – biri saxlanılıb.

NBC News-un məlumatına görə, bu barədə yerli polis idarəsinin rəhbəri Kristofer Qudli məlumat verib.

Onun sözlərinə görə, qaçan məhbusların bir hissəsi silahlı hücum, quldurluq, şiddət tətbiqi və narkotiklə bağlı cinayətlərdə ittiham olunur.

Qudli bildirib ki, qaçanların silahlı və təhlükəli olduğu ehtimal edilir.

Şerif Süzan Hatson əlavə edib ki, məhbusların yoxluğu 16 may səhər saatlarında planlı yoxlama zamanı aşkarlanıb. Ehtimala görə, qaçış gecə saatlarında həyata keçirilib.

Hazırda qaçan məhbuslardan biri hüquq-mühafizə orqanları tərəfindən saxlanılıb.

✍️"Ulusum".az