Bloomberg-in keçmiş meneceri ABŞ-da ailəsi ilə birlikdə ölü tapılıb

Cənubi Karolinada, öz evlərində 54 yaşlı Riçard Samarel, 45 yaşlı həyat yoldaşı Lina Mariya və onların 9 yaşlı qızı ölü tapılıb.

Ailə, Greer şəhərində yaşayırdı və faciə 28 martda baş verib.

Polis hələlik ölümün səbəbini açıqlamır, lakin ictimaiyyətə hər hansı bir təhlükənin olmadığı bildirilib.

“Ulusum”.az xəbər verir ki, NY Post-un məlumatına görə, hadisə zamanı cütün digər uşaqları məktəbdə olub.

Samarel əvvəllər Bloomberg LP-də investisiya meneceri olaraq çalışıb. Onun həyat yoldaşı, Kolumbiyadan olan köçkün, ABŞ Veteranlar İdarəsində xidmət edib.