Myanmada zəlzələ nəticəsində ölənlərin sayı 1 600-ü keçib - FOTO

Myanmadakı güclü zəlzələnin qurbanı olanların sayı 1644 nəfərə çatıb, 3400-dən çox insan yaralanıb, 139 nəfər itkin düşüb.

“Ulusum”.az-ın məlumatina görə, bu barədə «Xinhua» yazır.

Yaxınlıqdakı Taylandda isə 9 nəfər ölüb. Birma zəlzələsi səbəbindən Bangkokda inşa olunan 33 mərtəbəli bina uçub. Uçqunların təmizlənməsi davam edir, onların altında 47 nəfərin ola biləcəyi ehtimal edilir.

Qeyd edək ki, 7,7 maqnitudalı zəlzələ, son yüz illərin ən güclü zəlzələlərindən biri, Myanmada hava limanları, körpülər və avtomobil yollarına ziyan vurub. Təbiət fəlakəti, ölkəni sarsıdan və iqtisadiyyatı zəiflədən vətəndaş müharibəsi fonunda baş verib, Reuters bildirir. Zəlzələnin episentri yaxınlığında yerləşən Mandalay şəhərində insanlar «ağır avadanlıq olmadan» qurtarma işləri aparmaq üçün «yalnız əlləri ilə» dəliklər qazıblar, agentlik yazır.