Zəlzələ qurbanlarının yaşadığı 4 konteyner YANDI EKSKLÜZİV FOTO

Hatayın Antakya rayonunda konteyner şəhərciyində yanğın baş verib. Zəlzələdən zərərçəkənlərin yaşadığı
yanğında 4 konteyner yararsız hala düşüb.

ULUSUM.az saytının Türkiyənin yerli mətbuatına istinadən verdiyi məlumata görə, yerli vaxtla təxminən saat 19 radələrində qeydə alınan yanğın qısa zamanda ətrafdakı digər konteynerlərə də keçib. Dərhal Hatay Böyükşəhər Bələdiyyəsinin xilasetmə qrupu bölgəyə cəlb edilib. Müdaxilə nəticəsində alovu nəzarətə almaq mümkün olub.
Qeyd edək ki, yanğın zamanı xəsarət alanların olub-olmadığı haqda məlumat verilməyib. İlkin ehtimala görə, yanğın baş verən kimi, sakinlər çölə çıxıb yardım çağırıblar.
Hadisə nəticəsində ümumilikdə, 4 konteyner yararsız hala düşüb. Xilasetmə qrupu yanğının səbəbini müəyyən etmək üçün araşdırma başlayıb.

Aymirə Ağamirova