Dəriniz yağlıdır? Yayda dəriniz mükəmməl olacaq!

Yay aylarında yağlı dəriyə qulluq: Sağlam və parlaq dəri üçün ip ucları

Yay ayları gəldikcə dəriyə qulluğa daha çox ehtiyac yaranır. Xüsusilə yağlı dəri sahibləri üçün isti hava daha çox problem yarada bilər. Belə hallarda dərinin balansını qorumaq və yağ ifrazını nəzarət altında saxlamaq üçün bəzi məsləhətlərə əməl etmək lazımdır.

Ulusum.az bu baxımdan işinizə yarayacaq tövsiyələri sizinlə bölüşür:

1. Yüngül tərkibli nəmləndiricilər
Yay aylarında dərinizin nəmləndirilməsinə diqqət yetirin. Ağır və yağlı nəmləndiricilərdən uzaq durun. Bunun əvəzinə, yüngül və su əsaslı nəmləndiriciləri seçməlisiniz. Bu məhsullar dəri məsamələrini qabatmadan nəmləndirir və dərinizin təravətli qalmasını təmin edir.

2. Günəşdən qorunmaq
Günəşin UV şüaları dəriniz üçün zərərlidir və yağlı dərini daha da xoşagəlməz hala sala bilər. Gündəlik olaraq geniş spektrli SPF 30 və ya daha yüksək olan günəş kremi istifadə edin. Günəşdən qoruyucu kremləri iki saatdan bir yenidən tətbiq edin.

3. Üz Təmizliyi
Yay aylarında üzünüzü gündə iki dəfə, səhər və axşam olmaqla, yumşaq təmizləyici gel və ya köpük ilə yuyun. Bu, dəri üzərində yığılan yağ və kir qatını təmizləyərək tıxanan məsamələrin qarşısını alır.

4. Sağlam Qidalanma

Qidalanma da dərinizin vəziyyətinə təsir edir. Belə ki, yağlı və şəkərli qidalardan uzaq durmağa çalışın. Bunun əvəzinə, meyvə, tərəvəz və bol su içərək dərinizin sağlamlığını qoruyun.

6. Makiyaj məhsullarına diqqət!
Yay aylarında makiyaj edərkən yağsız kosmetik vasitələrə üstünlük verin. Bu tip məhsullar dərinizin yağ ifrazını artırmadan təbii bir görünüş təmin edir.

Yağlı dəriyə düzgün qulluq edildikdə, yay aylarında da sağlam və parlaq dəriyə sahib olmaq mümkündür. Yuxarıda sadalanan məsləhətlərə əməl edərək dərinizin balansını qoruya və yay aylarının gözəlliyini doyunca yaşaya bilərsiniz.

Bu məsləhətlərlə dəriniz hər zaman təzə və parlaq olacaq!

Aymirə Ağamirova