Uzun ömürlülüyün sirri - 6 saniyəlik öpüş...

Yeni araşdırmalara görə, uzun ömürlülüyə səbəb olacaq öpüş ən azı 6 saniyə davam etməlidir.

Ulusum.az xəbər verir ki, 6 saniyə hər hansı bir işi yerinə yetirmək üçün qısa müddət ola bilər.

Lakin öpüşmə müddətinə gəldikdə, münasibətinizin sağlamlığı üçün möcüzələr yarada bilər.
John və Julie Gottman-ın sözlərinə görə, 40 ildir ki, münasibətləri öyrənən və eyni zamanda evli cütlük olan iki terapevt və tədqiqatçı, 6 saniyəlik öpüş partnerinizlə romantik bir münasibət yaratmaq üçün ən mükəmməl zamandır.

Araşdırma zamanı məlum olub ki, əsl öpüş ən azı 6 saniyə davam etməlidir. Xoşbəxtlik hormonu olan oksitosin 20 saniyəlik qucaqlaşmadan və ya 6 saniyəlik öpüşdən sonra buraxılır.
Hər iki tərəf oksitosin buraxdıqda, psixoloji rahatlıq və güvən hissi yaranır və düzgün bağlılıq əldə edilir.
Almaniyada aparılan və 10 il davam edən oxşar araşdırmaya görə, bu da onu göstərdi ki, həyat yoldaşlarını ən azı 6 saniyə öpən kişilər daha uzun yaşayırlar. İşə gedərkən həyat yoldaşlarını öpən kişilər, bunu etməyənlərdən təxminən 4 il uzun ömür sürür.
Dr. Gottman və həyat yoldaşı Dr. Julie Gottman illərdir evli cürlüklər üzərində araşdırma aparırlar. Onların araşdırmalarında valehedici tapıntı kişilərin həyat yoldaşlarını müntəzəm olaraq öpmələrinin təsiridir. Dr. Gottman, 'Oksitocin 20 saniyəlik qucaqlaşma və ya 6 saniyəlik öpüşlə buraxılır,- deyə qeyd edir.

Beləliklə. araşdırmaçılar evli cütlüklərə belə məsləhət verirlər: "Gündəlik həyatımızın çox hissəsini iş və ailə qayğıları kimi məsuliyyətlərin öhdəsindən tələsərək keçirəndə həyat yoldaşımıza vaxt ayırmağı unuduruq. Yaxınlıq qurmaq üçün 6 saniyəlik öpüş ritualı yaratmaq bir-biri ilə arasında ehtirasla bərabər etibar hissi də oyadır".

Qeyd edək ki, mütəxəssislər hesab edirlər ki, bu addımın faydaları bir-birinizə qarşı sevgi və heyranlığı artırmaq, stressi azaltmaq, partnyorunuza qarşı minnətdarlığını gücləndirməkdir.

Vurğulayaq ki, xoşbəxt və ideal cütlüklər hər həftə orta hesabla 6 saat bir-birlərinə diqqət ayıranlardır.

Aymirə Ağamirova