Yeni aldıqları evə baxırdılar, iki yaşlı uşaqları yıxılıb öldü - Salyanda

Salyanda iki yaşlı uşağın binadan yıxılaraq ölməsinin bəzi detalları məlum olub.

Ulusum.az xəbər verir ki, bədbəxt hadisə rayonun Ağaxan Ağabəyli küçəsi 54 ünvanında yerləşən beşmərtəbli binada baş verib.

Uşağın valideynləri binanın dördüncü mərtəbəsində yeni aldıqları evə baxarkən 2022-ci il təvəllüdlü Rafiq Elnur oğlu Məlikov nəzarətdən yayınaraq qoruyucusu olmayan pəncərədən yıxılıb.

Dərhal Salyan Rayon Mərkəzi Xəstəxanasına çatdırılıb. Vəziyyəti ağır olan uşaq Bakıya gətirilsə də, yolda keçinib.