Bikini üçün alış-verişin əsl zamanıdır - Modellər

Soyuq və küləkli havalardan sonra isti günəşin parıltısı insanlara əsl yayı hiss etdirir.

Yay tətili ilə bağlı hələ heç bir planınız olmasa da, həftə sonu qaçışlar üçün ən azı çimərlik və bikini alış-verişə başlamaq üçün əla zamandır.

Ulusum.az xəbər verir ki, bu il yumşaq parçalar və asimmetrik kəsiklər çimərlik dəbini müəyyən edirr, günəşin əks olunması isə çimərlik geyimlərini və bikini modellərini daha da gözə çarpan edir.

Bundan başqa, komfort modellər və 90-cı illərin dəbi bu il də qüvvədədir. Beləliklə, ilin ən sevilən bikini və çimərlik geyimləri trendlərinə nəzər salaq...

Ultra-femin görünüşü

Dekorasiyadan modaya qədər demək olar ki, hər yerdə rastlaşdığımız "koket" trendi çimərlik geyimlərində və bikini modellərində də özünü biruzə verir. Koquette trendi, başqa sözlə, 'ultra-femin görünüşü' yay boyunca ön planda olacaq. Bu söz Oksford lüğətində "eşqbaz qadın" kimi izah edilir. Həmin trend qadın və zərif detalları vurğulayır. Buna görə də yaxın günlərdə çimərliklərdə bol-bol yay, incə çəhrayı və ruffle görməyə hazır olun.

Klassik bikinilər

Bu il də klassik bikinilər dəbdə olacaq. Amerikalı modelyerlər bunu zərif qayıdış adlandırırlar. Belə ki, klassik üslublu bikinilərlə sahillərin parlaq ulduzuna çevriləcəksiniz. Saçlar arxadan yığılır, qızıl zinət əşyaları və qızılı rəngli bikini, bir sözlə klassika. Qeyd edək ki, bu geyimlər gündüzdən gecəyə keçidin açarıdır.

Zəncirli və bərkidilmiş çimərlik geyimləri
Əgər siz aksessuarlara önəm verən birisinizsə, bu tendensiya məhz sizin üçündür! Bəzən çimərliklərdə çoxlu zinət əşyaları geyinmək praktik deyil. Çünki aksessuarlar qarala və dənizdə itə bilər. Ancaq zəncir və buxov detalları ilə çimərlik və bikinilərlə heç nəyi itirməkdən narahat olmayacaq və parlayacaqsınız.

Strapsız bikini

70-ci illərin dəbinin qayıdışı ilə "bandeau" topları yenidən populyarlaşır. Bohem zərifliyi yaradan bu bölmə də çimərliklər üçün çox praktikdir. Di gəl, günəşdən nə qədər qorunsan da, mütləq tan ala bilərsən. Belə ki, həddindən artıq asimmetrik modellərdə bikini və swimsuit işarələri çox da gözəl görünmür. Strapsız bikinilər bu mənada xilaskar rolunu oynayır.

90-cı illərin dəbi

Moda dünyasında sanki 90-cılar hər il geri qayıdır. Bu il də 90-cı illərin çimərlik dəbləri hakimdir... Minimalist modellər, qara və ya qırmızı kimi iti rənglər çimərliklərə sadəlik qatır. Cari ildə yüksək bel və boş bikini dibləri dəbdə olmağa davam etsə də, 90-cı illərin aşağı beli dəbi trenddə olacaq.

Təbii rənglərə üstünlük verilir

2010-cu illərdə böyük trend olan parlaq neon bikinilərinə yol verilməyəcək, üstünlük təbii rənglərdə olacaq. Mavi, yaşıl, qəhvəyi və neytral tonlar çimərliklərdə ön plandadır. Bu, ümumilikdə dəbin sadələşdirilməsi tendensiyasının bir hissəsidir.

Üstəlik, yer tonları və yumşaq rənglər bütün dəri tonlarına uyğun gəlir və arzu olunarsa, müxtəlif aksessuarlarla birləşdirərək müxtəlif üslublar yaratmağa imkan verir.


Əgər sadəliyi vurğulayan sakit lüks və ya təmiz trendləri sizin üçün deyilsə, 'maximalist' görünüş də çimərlikləri canlandıracaq. Çimərlikdə, hovuzun yanında turşu və ya mərcan tonları ilə birlikdə tropik, botaniki və ekzotik tərzlər də diqqət mərkəzində olacaq.
Yuxarıda qeyd etdiklərimizdən də gördüyünüz kimi, bir sıra çeşidlər dəbdə olacaq. Əsas odur ki, seçəcəyiniz çimərlik geyimində özünüzü komfort və xoşbəxt hiss edəsiniz.
Aymirə Ağamirova