Tramp Krımı Rusiya tərkibində tanımağı nəzərdən keçirir

ABŞ prezidenti Donald Trampın administrasiyası, Ukraynada müharibənin dayandırılması ilə bağlı mümkün saziş çərçivəsində Krımı Rusiya tərkibində tanımağı nəzərdən keçirir.

“Ulusum”.az-ın məlumatına görə, bu barədə Semafor nəşri iki məlumatlı mənbəyə istinadən xəbər verib.

Mənbələrin sözlərinə görə, Ağ Evdə daha geniş bir addım da müzakirə olunur - ABŞ-ın BMT-yə müraciət edərək Krımı beynəlxalq səviyyədə Rusiya ərazisi kimi tanımağı təklif etməsi. Lakin yekun qərar hələ qəbul edilməyib - Tramp, gələcək sülh sazişinin əsasını təşkil edə biləcək digər variantları da nəzərdən keçirir, deyə Semafor qeyd edir. Prezident administrasiyası bu mövzu ilə bağlı rəsmi şərh verməkdən imtina edib.