Fransa Pavel Durovun məhkəmə nəzarətini dayandırdı

Fransa hakimiyyəti Telegram-ın qurucusu Pavel Durovun üzərindəki məhkəmə nəzarətini dayandırıb.

“Ulusum”.az TASS-a istinadən xəbər verir, məlumatı Fransız prokurorluğunun mənbəsi verib. Bu tədbir, onun Parisdən Dubaya geri dönməsi ilə əlaqədardır və üç həftə davam edəcək.

Pavel Durova qarşı olan məhkəmə nəzarətinin müddəti 15 martdan 7 aprelinə qədər dayandırılıb, — deyə agentlik mənbənin sözlərini gətirib.

15 martda xəbər verilirdi ki, Telegram-ın qurucusu Fransanı tərk edib. Məhkəmə ona Dubaya getməyə icazə verib. O gün səhər, iş adamını daşıyan təyyarə Le-Burje hava limanından havaya qalxıb.