Ukrayna - Rusiya danışıqlarında üç əsas məqam

"Ukrayna Rusiya ilə sülh müqaviləsi çərçivəsində öz suverenliyinin məhdudlaşdırılmasına razı olmayacaq."

“Ulusum”.az-ın məlumatına görə, bu barədə Ukrayna Ali Radasının Beynəlxalq Siyasət Komitəsinin sədri Aleksandr Merejko BBC-yə verdiyi müsahibədə bildirib.

O, Ukraynanın Rusiya ilə müharibəni başa çatdırmaq üçün bəzi məhdudiyyətləri olduğunu vurğulayıb. Onun sözlərinə görə, Ukrayna bu məsələdə keçməyəcəyi üç "qırmızı xətt" müəyyən edib. Birinci xətt ölkənin ərazi bütövlüyüdür. Ukrayna heç vaxt ərazi güzəştlərinə razı olmayacaq və bu məsələ danışıqlar mövzusu deyil.

İkinci məsələ Ukraynanın NATO və digər beynəlxalq təşkilatlara üzvlüyüdür və Vladimir Putin Ukraynanın yerinə bu məsələni həll etməməlidir.

Üçüncü məsələ isə müdafiə qabiliyyətidir və rəsmi Kiyev Putin tərəfindən Ukrayna ordusunun azalması tələbinə razılaşmamalıdır.