Mask dövlət qulluqçularına ikinci şans verəcək

ABŞ-da dövlət qulluqçuları, Dövlət Effektivliyi Departamentinin (DOGE) rəhbəri İlon Maskın onlardan keçən həftə ərzində görülən işlər barədə hesabat vermələrini tələb edən məktubunu görməzdən gəldilərsə, ikinci şans ala bilərlər. “Ulusum”.az xəbər verir ki, bu barədə özünün sosial şəbəkə hesabında Mask özü bildirib.

Xatırladaq ki, həftə sonu bütün dövlət qulluqçularına keçən həftə ərzində gördükləri işləri bildirmələri xahişi ilə elektron məktublar göndərilmişdi. Məktubun cavablandırılması üçün 48 saatdan bir az çox vaxt verilmişdi, Mask isə xəbərdarlıq edib ki, cavab verməyənlər istefaya göndərilmiş sayılacaqlar.

Sonradan The New York Times bildirdi ki, Müdafiə Nazirliyi, FBI, Dövlət Departamenti və ABŞ kəşfiyyatını koordinasiya edən ofis kimi bəzi qurumların məmurları öz işçilərinə bu məktubları görməzdən gəlmələrini tapşırıblar.

Mask isə sosial şəbəkə X-də bildirib: "Prezidentin qərarı ilə, onlara ikinci şans veriləcək. İkinci dəfə cavabsız qalmaq işdən çıxarmağa səbəb olacaq". Bu, DOGE rəhbərinin məktubunu görməzdən gələnlər və şikayət edənlərə qarşı sərt yanaşma təklif edən bir istifadəçiyə verdiyi cavabdır.

Səidə