USAID-in ixtisara düşən işçilərinin sayı açıqlanıb

Son bir neçə gündə ABŞ-ın Beynəlxalq İnkişaf Agentliyinin (USAID) bir neçə struktur bölməsindən təxminən 400 işçi işdən azad edilib.

“Ulusum”.az xəbər verir ki, bu barədə The New York Times (NYT) qəzeti mənbələrə istinadən məlumat yayıb.

"Onlardan təxminən 200 nəfəri Humanitar Yardım Bürosunun müqaviləli işçiləri olub, digər 200 nəfəri isə krizislər üzrə mütəxəssislərdən ibarət olan və təbii fəlakətlər və silahlı münaqişələrə sürətli reaksiya verməyə kömək edən Support Relief Group adlı bir bölmənin üzvləri olub", — deyə qəzet qeyd edib.

NYT-nin məlumatına görə, bu qrupdan indi yalnız bir neçə nəfər qalıb. Qəzet həmçinin vurğulayıb ki, işdən çıxarılanların əksəriyyəti Əfqanıstanda, Suriyada və Ukraynada fəaliyyət göstərib.

Bundan əlavə, Demokratiya Yardım İnisitiyativləri İdarəsi 36 əməkdaşını itirib.

Səidə