Trampın Ukraynaya maliyyə yardımının dayandırılması: Zelenskiyə "düzgün olmayan yol" siqnali

ABŞ prezidenti Donald Trampın Ukrayna da daxil olmaqla bir sıra ölkələrə yardımın 90 gün müddətinə dayandırılması qərarı Ukrayna prezidenti Volodimir Zelenski üçün "səhv yol" göstəricisi olub. “Ulusum”.az xəbər verir ki, bu barədə Ali Radanın deputatı Aleksandr Dubinski öz Telegram kanalında bildirib.

Dubinski Trampın qərarını "çox açıq mesaj" kimi dəyərləndirib:

"Ukraynaya maliyyə yardımı və layihələrin dayandırılması Trampın Zelenskinin düzgün yolda olmadığını düşündüyünün çox aydın ifadəsidir," — deyə o yazıb.

Deputat həmçinin Donald Trampın yaxın zamanda Rusiya prezidenti Vladimir Putinlə görüş keçirə biləcəyini bildirib. Onun fikrincə, bu görüş Kreml və Vaşinqton komandalarının mövqeləri uzlaşdırdıqdan sonra baş tutacaq.


Səidə