Braziliya Prezidentindən Trampa “internet tənqidi” “Az yaz, çox idarə et!”

Braziliya Prezidenti Luis İnasio Lula da Silva ABŞ Prezidenti Donald Trampa çağırış edib: o, Trampdan internetdəki həddindən artıq fəallığını azaltmağı və supergüc bir ölkənin liderinə yaraşacaq şəkildə davranmağı istəyib. Lula deyib ki, bu qədər gərgin bir qlobal vəziyyətdə ABŞ kimi nüfuzlu ölkənin lideri azad ticarət, beynəlxalq əməkdaşlıq və sülhə önəm verməlidir.

Trampın sosial şəbəkələrdəki davranışlarına toxunan Lula, ABŞ mediasında “lənətə gəlmiş başlıqların” çoxluğundan narahatlığını ifadə edib. O, oxşar vərdişlərə malik olan bir başqa keçmiş prezidenti də xatırladıb – hərçənd ad çəkməyib, Braziliya mediası bu şəxsin “tropik Tramp” ləqəbli Jair Bolsonaro olduğunu ehtimal edir.

Ulusum.az