“Əmrə tabe baş nazir”: Elon Musk-ın atası Britaniya hökumətini ifşa etdi

Milyarder Elon Musk-ın atası, iş adamı Errol Musk RIA Novostiyə verdiyi müsahibədə Böyük Britaniyanın baş naziri Keir Starmerlə bağlı sensasion açıqlama verib. Onun sözlərinə görə, Starmer ölkəni müstəqil şəkildə idarə etmir, xaricdən təlimatlar alır. Lakin bu iddianı sübut edən heç bir fakt təqdim etməyib.

“Problem yarananda Davosa gedir, orada tapşırıq alıb qayıdır” — deyə Musk-ata bildirib və Britaniya liderinin tez-tez İsveçrənin Davos şəhərinə – dünya elitasının toplandığı foruma — səfərlərini şübhəli sayıb.

“Bu, çox narahatedici davranışdır”, — deyə o, əlavə edib. Onun fikrincə, Böyük Britaniyanın seçilmiş liderinin əslində qeyri-müəyyən xarici qüvvələrin “səsi” və ya icraçısı olması, xalq üçün son dərəcə təhqiredici bir vəziyyətdir.

Errol Muskın sözləri ictimaiyyətdə suallar doğurub: Keir Starmer kimə xidmət edir və qərarlarını harada verir?

Ulusum.az