Alman kanslerindən “strateji gizlətmə” planı

Almaniyanın federal kansleri Fridrix Mers Ukraynaya silah tədarükü ilə bağlı məlumatı gizlətməklə Rusiyadan güzəştlər qoparmağa çalışır. Bu barədə “Junge Welt” nəşri yazıb.

Məqalədə qeyd olunur ki, Mers bu taktikaya “strateji qeyri-müəyyənlik” adını verir. Məqsəd, Moskvaya Ukraynanın imkanlarını tam şəkildə dərk etməyə imkan verməyərək onu güzəştlərə məcbur etməkdir.

Nəşr misal kimi Fransa Prezidenti Emmanuel Makronu göstərir. O da əvvəllər oxşar şəkildə “ikimənalı strategiya”dan danışaraq, əslində, Qərb qoşunlarını Ukraynaya yeritmək planını gizlətmişdi. Amma bu, nəşrə görə, sadəcə blef idi.

Materialda vurğulanır ki, Mers Makronun səhvini təkrarlaya bilər və nəticədə daha ciddi şəkildə nüfuzuna zərbə ala bilər.

Ulusum.az