Trampdan Putinə yeni zərbə

ABŞ prezidenti Donald Tramp Rusiya hakimiyyətinin “zərərli fəaliyyətinə” cavab olaraq tətbiq edilən fövqəladə vəziyyətin müddətini bir il uzadıb.

“Ulusum”.az xəbər verir ki, bu barədə ABŞ Federal Reyestrinin nəşrində deyilir.

Fövqəladə vəziyyət sanksiyaların uzadılmasını, o cümlədən Rusiya aktivlərinin bloklanmasını, habelə xarici banklara və Rusiya hərbi-sənaye kompleksi ilə əməkdaşlıq edən şirkətlərə qarşı ikinci dərəcəli məhdudiyyətləri nəzərdə tutur.

Göstərilən səbəblərə ABŞ və müttəfiqlərinin seçkilərinə müdaxilə, kiberhücumlar, digər hökumətlərə korrupsiya təsiri, jurnalistlərin və dissidentlərin təqib edilməsi, strateji əhəmiyyətli regionlarda sabitliyin pozulması və beynəlxalq hüququn pozulması daxildir.

Sənəddə deyilir: “Rusiya ABŞ-ın milli təhlükəsizliyi, xarici siyasəti və iqtisadiyyatı üçün fövqəladə təhlükə törətməkdə davam edir”. Söhbət 14024 saylı Fərmanın müddətinin uzadılmasından gedir.

Müvafiq rejim onun sələfi Co Bayden tərəfindən 15 aprel 2021-ci ildə tətbiq edilib.