Viktor Orban: Avropa İttifaqı «Darvin anı» yaşayır

Macarıstanın baş naziri Viktor Orban bildirib ki, hal-hazırda Avropa İttifaqı ölkələri «Darvin anı» içindədir.

Lakin o, bunu təkamüllə deyil, daha çox çözülmə prosesi ilə əlaqələndirib.

“Ulusum”.az xəbər verir ki, Orban bunu özünün X sosial şəbəkəsindəki paylaşımında qeyd edib.

«Onlar Aİ-ni sülh layihəsindən hərbi layihəyə çevirmək istəyirlər. Bu təkamül deyil, bu çözülmədir. Biz müqavimət göstərməliyik, hətta onlar bizi cəzalandırmaq istəyirlərsə belə», — deyə Macarıstanın baş naziri yazıb.

Orbanın belə reaksiya verməsinə, Avropanın özünə xas siyasəti səbəbindən Macarıstana təzyiqi artırmağa yönələn məqalə səbəb olub. Məqalə Financial Times qəzetində dərc edilib və Aİ-nin Macarıstana qarşı təzyiqi artırmaq niyyətində olduğu, bu siyasətin Avropa birliyinə mənfi təsir göstərdiyi vurğulanıb. Məqalədə həmçinin, İttifaqın qarşısında seçim olduğu, ya uyğunlaşmalı, ya da yox olmalı olduğu qeyd olunub.