Mətbuat katibi Levitt: Ağ Ev Signal sızması işini bağlı hesab edir

Ağ Ev, Signal messencerində məlumat sızması ilə bağlı işi bağladığını və belə halların qarşısını almaq üçün artıq tədbirlər görüldüyünü bəyan edib.

“Ulusum”.az xarici mətbuata istinadən xəbər verir ki, bu barədə ABŞ prezidentinin administrasiyasının mətbuat katibi Kərolayn Levittt məlumat verib.

"Bu iş burada, Ağ Evdə bağlanıb. Belə bir vəziyyətin təkrarlanmaması üçün tədbirlər görülüb. İrəliləyirik," – deyə Levittt bildirib.

Onun sözlərinə görə, hazırda Milli Təhlükəsizlik üzrə köməkçi Mayk Volts və onun komandası "Çox yaxşı işləyirlər" və ABŞ prezidenti Donald Tramp ilə sıx əməkdaşlıq edirlər.

Bu arada, Wall Street Journal qəzeti mənbələrə istinadən bildirir ki, Volts, məlumat sızması ilə bağlı qalmaqal fonunda, Ağ Evdəki həmkarları və Tramp arasında nüfuzunu sürətlə itirir.