ABŞ-də Üzeyir Hacıbəylinin 140 illik yubileyinə həsr edilən IX “Florida Keys” Beynəlxalq Musiqi Müsabiqəsi

ABŞ-də ənənəvi olaraq təşkil olunan IX “Florida Keys” Beynəlxalq Musiqi Müsabiqəsi bu dəfə dahi Azərbaycan bəstəkarı Üzeyir Hacıbəylinin 140 illik yubileyinə həsr edilib.

Müsabiqədə iştirak etmək üçün namizədlər əvvəlcə veb səhifə üzərindən qeydiyyatdan keçib, ifa etdikləri əsərləri video formatda təqdim etməlidirlər. Qaliblər məşhur ifaçılar və müəllimlərdən ibarət münsiflər heyəti tərəfindən seçiləcək və Nyu Yorkda keçiriləcək Qala konsertində çıxış edəcəklər.

Müsabiqə Florida Azərbaycan-Amerika Mədəniyyət Assosiasiyasının təşkilatçılığı və Diasporla İş üzrə Dövlət Komitəsinin dəstəyi ilə həyata keçirilir.

✍"Ulusum".az