Canlı yayımda qanunsuz mərc qalmaqalı: Tanınmış sima istintaqa cəlb edildi

Müğənni Begüm Polat, qanunsuz mərc oyunlarının reklamı ilə bağlı aparılan istintaq çərçivəsində prokurorluğa ifadə verib. İddialara görə, o, televiziya proqramında istifadə etdiyi stəkanın üzərində qanunsuz mərc saytına aid ifadələr yer alıb.

Bu görüntülər sosial mediada yayıldıqdan sonra rəsmi araşdırma başlanıb. Polat prokurorluqda verdiyi ifadəsində, stəkanın üzərindəki yazılardan xəbərsiz olduğunu və məqsədli şəkildə belə bir reklam etmədiyini bildirib.

O, diqqətinin yalnız proqramın məzmununa yönəldiyini və belə bir cinayətə bilərəkdən qarışmasının mümkün olmadığını vurğulayıb.

✍"Ulusum".az