Trampın FES rəhbərini işdən çıxarma planı dolları çökdürdü

ABŞ Prezidenti Donald Trampın Federal Ehtiyat Sisteminin (FES) rəhbəri Cerom Pauellı vəzifədən uzaqlaşdırmaq planı dollar indeksində (DXY) kəskin enişə səbəb olub. Bu barədə Bloomberg agentliyi məlumat yayıb.

Saat 20:44-ə olan TradingView məlumatına görə, DXY indeksi 98,210-a qədər düşüb.

Agentliyin yazdığına əsasən, Tramp 16 iyul axşamı Respublikaçılarla birlikdə Pauellın vəzifədən azad edilməsini müzakirə edib. ABŞ Konqresində bu addımı dəstəkləyən qanunvericilər olsa da, Tramp hələ də yekun qərar verməyib.

Prezident FES rəhbərini faiz dərəcəsini azaltmamaqda ittiham edir. Trampın fikrincə, açar faiz dərəcəsinin azaldılması dövlət büdcəsinə illik 1 trilyon dollar qənaət edə bilər.

Tramp daha əvvəl də Pauelli sərt şəkildə tənqid edərək onu "ağılsız" və "inadkar uzunqulaq" adlandırmışdı.

Ulusum.az