"ABŞ-ın Çin məhsullarına tətbiq etdiyi ümumi tarif 145%-ə çatdı

“Ulusum”.az, ABŞ administrasiyasının rəsmisinə istinadən xəbər verir ki, Çindən gələn mallara ABŞ-ın ümumi tarifləri hazırda 145% təşkil edir.

Məlumata görə, ABŞ prezidenti Donald Trampın çərşənbə günü elan etdiyi Çin məhsullarına tətbiq edilən 125%-lik idxal rüsumları fentanil adlı narkotik maddənin yayılması ilə mübarizədə Kanada, Meksika və Çin hökumətlərinin qeyri-kafi səylərinə görə Amerika liderinin əvvəllər tətbiq etdiyi 20%-lik rüsumları nəzərə almayıb. Belə ki, Çindən gələn malların ümumi rüsumu 145% təşkil edir.