Naxçıvandan Qarsa 85 dəqiqəyə çatmaq mümkün olacaq

Türkiyə ilə Azərbaycanı birləşdirəcək Qars-İğdır-Naxçıvan dəmir yolu layihəsi artıq icra mərhələsinə keçib. Layihə çərçivəsində Bakı-Tbilisi-Qars dəmir yolu xətti ilə inteqrasiya olunması planlaşdırılır və bu, Avropa ilə Asiya arasında ticarət əlaqələrini genişləndirəcək.

Marşrut həmçinin beynəlxalq yük daşımalarında yeni perspektivlər yaradacaq və mövcud BTQ xəttinə alternativ olaraq 18 gündən 12 günə qədər sərnişin daşımalarının müddətini azaldacaq. Dəmir yolunun uzunluğu təxminən 224 km olacaq və 5 il ərzində tamamlanması planlaşdırılır.

Layihə elektrikləşdirilmiş və siqnallaşdırılmış ikizolaqlı dəmir yolu xəttini əhatə edir. Tikinti zamanı 3 viyadük, 5 tunel, 10 körpü, 480 menfez, 145 alt keçid və 19 açılıb-bağlanan keçid inşa olunacaq.

Bu layihə Zəngəzur dəhlizinin bir hissəsi olaraq, yalnız Türkiyə ilə Azərbaycanı deyil, qlobal nəqliyyat və ticarət marşrutlarını da birləşdirəcək.