Lənkəranda hüzürdən çıxan nənə və nəvələri maşın vurub, 3 yaşlı nəvə ölüb

Lənkəranda piyada olan nənə və azyaşlı nəvələrini maşın vurub.

Məlumata görə hadisə axşam saatlarında Lənkəran rayonunun Yuxarı Nüvədi kəndi ərazisində baş verib. Hərəkətdə olan minik avtomobili piyada olan 2021 - ci il təvəllüdlü D.M, 2019 - cu il təvəllüdlü U.M və nənələri 1968 - ci il təvəllüdlü Mərziyyə Fitat qızı Ağaliyevanı vurub. Hər iki yaralı ağır vəziyyətdə Lənkəran rayon mərkəzi xəstəxanasına çatdırılıblar. 3 yaşlı nəvənin vəziyyəti ağır olduğundan reanimasiya şöbəsinə yerləşdirilib. Həkimlərin səylərinə baxmayaraq 3 yaşlı uşağın həyatını xilas etmək mümkün olmayıb. Nənə və 5 yaşlı nəvənin müalicəsi təcili yardım şöbəsində davam etdirilir.

Əldə etdiyimiz məlumata görə nənə nəvələri ilə hüzürdən çıxıb evə gedirmişlər. Onları vuran nəqliyyat vasitəsi digər bir maşına da çırpılıb.

Faktla bağlı araşdırma aparılır.

Eltun Məmmədov