Göyçayda ağır qəza: Sürücünün qolu qopdu - VİDEO

Göyçayda ağır avtomobil qəzası baş verib.

Ulusum.az avtosfer.az-a istinadən xəbər verir ki, hadisə 08:20-də Göyçay-Ağsu yolunun Bığır kəndindən keçən hissəsində qeydə alınıb.

VAZ-2107 markalı avtomobilin sürücüsü eyni istiqamətdə hərəkətdə olan ZiL markalı yük maşını ilə toqquşub.

Nəticədə, VAZ-ın sürücüsünün qolu çiynindən qoparaq kənara düşüb.

Hadisə şahidlərinin sözlərinə görə, VAZ sürücüsü yuxulu olub və yüksək sürətlə ZiL markalı yük maşınını arxadan vurub. Yük maşını zərbənin gücündən aşıb.

Hadisə yerinə təcili tibbi yardım briqadası və DYP əməkdaşları cəlb olunublar.