Finlandiya parlamentində faciə: naməlum kişi intihar etdi

Finlandiya parlamentinin binasında naməlum kişi özünə qəsd edərək həyatına son qoyub. Hadisə avqustun 19-da qeydə alınıb. Məlumatı Yle portalı hüquq-mühafizə orqanlarına istinadən yayıb.

Polisə zəng saat 11:06-da Təcili Yardım Mərkəzindən daxil olub. Hadisə yerinə dərhal polis patrulları və təcili tibbi yardım xidməti cəlb edilib.

Araşdırmalar nəticəsində hadisədə cinayət izi aşkar edilməyib. Parlamentin təhlükəsizlik direktoru Aaro Toyvonen jurnalistlərə açıqlamasında kişinin kimliyi barədə danışmaqdan imtina edib. Bununla belə, o, jurnalistlərin ehtimalını – ölən şəxsin deputat ola biləcəyini – təkzib etməyib.

Mətbu orqanı bildirib ki, parlament üzvünün kimliyini müəyyənləşdiriblər, lakin adını açıqlamaqdan imtina ediblər.

Ulusum.az