Afrikada yağan yağışlar onlarla insanın ölümünə səbəb olub

Konqo Demokratik Respublikasının paytaxtı Kinşasada son iki gündə leysan yağışlar nəticəsində azı 30 nəfər ölüb.

“Ulusum”.az xarici mətbuata istinadən xəbər verir ki, bunu Kinşasa əyalətinin səhiyyə departamentinin rəhbəri Patrisian Qonqo Abakazi bildirib. Agence France-Presse xəbər verir ki, yağışlar sel və torpaq sürüşməsinə səbəb olub.

30 ölüm faktı qeydə alınıb. Abakazi bildirib ki, yaralıların sayı çoxdur.

Kinşasaya yağan leysan yağışlar N'Cili çayında suyun səviyyəsinin xeyli yüksəlməsinə səbəb olub. Paytaxtın bir neçə məhəlləsini su basıb. Bəzi ərazilərdə torpaq sürüşməsi binaları uçurub. Şəhərin infrastrukturuna ciddi ziyan dəyib. Şəhərin əhalisi 18 milyon nəfərə çatır.