Siyəzəndə yük maşını aşıb, yol məhdudlaşıb

Siyəzəndə yük maşını aşıb, yolda hərəkət məhdudlaşdırılıb

Bakı-Quba-Rusiya Federasiyası dövlət sərhədi avtomobil yolunda yanacaq daşıyan yük avtomobili aşıb.

"Ulusum.az" AZƏRTAC-ın bölgə müxbirinin xəbərinə istinadən bildirir ki, hadisə Siyəzən rayonu ərazisindən keçən yol hissəsində baş verib.

Qəzaya uğrayan avtomobil yolun hərəkət hissəsinə aşdığından hazırda Bakı istiqamətində avtomobillərin hərəkəti müvəqqəti məhdudlaşdırılıb və alternativ yoldan istifadə edilir.

Hadisə yerinə Dövlət Yol Polisi və digər müvafiq qurumların əməkdaşları cəlb olunub. Yolun açılması istiqamətində işlər aparılır.