Anadoluda ağır qəza: 1 ölü, 10 yaralı

Anadoluda idarəetmədən çıxan mikroavtobus ağır qəza törədib. Hadisə nəticəsində 1 nəfər həak olub, 10 nəfər yaralanıb, onlardan 2-nin vəziyyəti ağırdır.
Ulusum.az Türkiyə mediasına istinadən xəbər verir ki, avtoqəza Anadolu magistral yolunun İstanbul istiqamətində, Bahçeköy kəndi ərazisində qeydə alınıb. Bildirilir ki, idarəetməni itirən mikroavtobus baryerləri keçərək aşıb.

Əraziyə dərhal ilk yardım briqadası və polis qrupları cəlb olunub.

Qəza nəticəsində 1 nəfər ölüb, 10 nəfər xəsarət alıb.

Məlum olub ki, tibbi personal tərəfindən xəstəxanaya çatdırılan yaralılardan ikisinin vəziyyəti ağır olaraq qalır.

Araşdırmalar davam etdirilir.

Aymirə Ağamirova