Qaxda mikroavtobus yandı

Qax rayonunda mikroavtobus yanıb.

Ulusum.az-ın məlumatına əsasən, hadisə Şəki-Qax avtomobil yolunun rayonun Əmbərçay kəndi ərazisindən keçən hissəsində baş verib.

Qax rayon sakini Xalid Xalis oğlu Tağıyevə məxsus "Mercedes Vito" markalı mikroavtobus hərəkətdə olarkən anidən alışıb.

Yanğının söndürülməsi üçün əraziyə Fövqaladə Hallar Nazirliyinin (FHN) Qax rayon Dövlət Yanğından Mühafizə Hissəsinin texnikası və şəxsi heyəti cəlb olunub.

Nəticədə, mikroavtobus yanaraq yararsız vəziyyətə düşüb. Yanğın zamanı mikroavtobusda sərnişinlər olmayıb, xəsarət alan yoxdu.

Faktla bağlı araşdırma aparılır.