İsrailin hücumları səbəbindən Rəfahda mobil rabitə kəsildi

Fələstin Telekommunikasiya Şirkəti "Paltel", Qəzzanın cənubundakı Rəfah şəhərində mobil rabitə xidmətinin kəsildiyini bildirib.

"Paltel" mövzu ilə bağlı yazılı açıqlama verib.

Açıqlamada, "İsrailin davam edən hücumları səbəbindən Rəfahda mobil rabitə xidmətinin kəsildiyini elan etməkdən təəssüflənirik. Komandalarımız, xidmətin ən qısa zamanda bərpa edilə bilməsi üçün çalışır" ifadəsi istifadə olunub.

İsrailin hücumları səbəbindən daha əvvəl də Qəzzanın bir çox yerlərində bütün telekommunikasiya xidmətləri (mobil rabitə, simli telefon və internet) dəfələrlə kəsilmişdi.

Calal Mir