Ləngiyən təmir işləri... Yaranan tıxaclar... Sürücülərin səbri tükənir EKSKLÜZİV FOTO

Bakı şəhəri, Nərimanov rayonu, Əhməd Rəcəbli küçəsində bir müddətdir ki, davam edən yol təmiri işləri uzun-uzadı tıxacın yaranmasına səbəb olur, əsasən də günün pik saatlarında.

Bəs bu tikinti işləri nə vaxta qədər davam edəcək? İşin ləngimə səbəbi nədir? 

ULUSUM.az saytı olaraq sürücüləri təngə gətirən problemi aydınlaşdırmaq üçün Azərbaycan Avtomobil Yolları Dövlət Agentliyi ilə əlaqə saxlasaq da, qurumdan heç bir açıqlama almaq mümkün olmayıb. 

Qeyd edək ki, sözügedən təmir işləri eyni vaxtda yolun hər iki istiqamətində aparıldığından küçədə hər gün böyük tıxaclar yaranır.

Nəzərinizə çatdırırıq ki, məsələ diqqətimizdədir, qarşı tərəfin mövqeyini təqdim edəcəyik...

Ağa Dadaşzadə