Gəncədə doğum şöbəsini tarakanlar basıb - İDDİA

Ulusum.az Gencexeber.az-a istinadən xəbər verir ki, xəstəxananın pasiyentlərindən daxil olan çoxsaylı şikayətlərə əsasən, şöbəni tarakanlar və digər həşəratlar basıb.

Burada müalicə alan qadınların iddialarına görə, palatalarda, hətta pasiyentlərin şəxsi dolablarında belə tarakanların dolaşdığı müşahidə olunur.

Onlar bildirirlər ki, bu vəziyyət sanitar normalara ziddir və ciddi narahatlıq doğurur.

Məsələ ilə bağlı narahatlıq təkcə estetik yönümlü deyil, həm də sağlamlıqla bağlıdır. Çünki tarakanlar müxtəlif xəstəliklərin daşıyıcısı ola bilər.

Bu isə xüsusilə doğuşdan sonra immuniteti zəif olan analar və yeni doğulmuş körpələr üçün daha təhlükəlidir.

Şikayətçilər bildirirlər ki, məsələ barədə həkim heyətinə və xəstəxana rəhbərliyinə dəfələrlə məlumat verilsə də, hələlik ciddi tədbir görülməyib.



R.Daşdəmirova
Ulusum.az