İsrail doğrudan qələbə çaldı, yoxsa Taktiki Gediş etdi?

İsrail hökuməti İranla atəşkəs razılaşmasını rəsmi olaraq təsdiqləyib. Rəsmi bəyanatda qeyd olunub ki, hərbi əməliyyatlar zamanı bütün məqsədlər tam yerinə yetirilib.

Baş nazir Benyamin Netanyahu ötən axşam müdafiə naziri, Baş Qərargah rəisi və Mossad rəhbəri ilə görüş keçirib və belə deyib:

“İsrail bu əməliyyatla bütün strateji məqsədlərinə və hətta daha artığına nail olub.”

Rəsmi açıqlamaya görə, İsrail əməliyyat zamanı İranın həm nüvə, həm də ballistik raket sahəsində yaratdığı birbaşa mövcudluq təhdidini neytrallaşdırıb:

“İsrail İranın nüvə proqramı və ballistik raket imkanlarını sıradan çıxarıb, Tehran səmasında tam hava nəzarətini təmin edib, hərbi rəhbərliyinə ciddi zərbə endirib və onlarla dövlət obyektini məhv edib.”

ABŞ-a və Trampa Təşəkkür

İsrail hökuməti, həmçinin ABŞ-a və şəxsən prezident Donald Trampa göstərilən müdafiə dəstəyinə görə təşəkkür edib:

“İsrail, İranın nüvə təhlükəsinin aradan qaldırılmasında ABŞ və prezident Trampın dəstəyini yüksək qiymətləndirir.”

Atəşkəs Vaşinqtonla Tam Koordinasiya İlə Əldə Olunub

“Əməliyyatın məqsədləri əldə olunduğuna və prezident Trampın təklifi əsasında tam koordinasiyada aparıldığına görə, İsrail ikitərəfli atəşkəs razılaşmasına razılıq verib. Lakin atəşkəsin pozulması halında dərhal və sərt cavab veriləcək.”

Ulusum.az