18-karatlıq qızıldan hazırlanmış tualet oğurlanıb

18-karatlıq qızıldan hazırlanmış tualet 2019-cu il sentyabrın 14-də Blenxeym Sarayından, (burada Vinston Çörçill doğulub), beş dəqiqə ərzində oğurlanıb.

“Ulusum”.az-ın məlumatina görə, xəbəri BBC verir. Bu məlumatı Oksford Krallıq Məhkəməsində başlamış məhkəmə prosesi çərçivəsində prokuror Julian Kristofer açıqlayıb.

Prokurorun sözlərinə görə, 14 sentyabr gecəsi beş nəfərdən ibarət qrup iki avtomobillə sarayın darvazalarını sındırıb. Sonra onlar pəncərəni sındıraraq içəri daxil olublar. Çəkiclərdən istifadə edərək, tualeti çıxarıb və sürətlə hadisə yerindən uzaqlaşıblar.

Hətta qızıldan olan tualet daimi bir interyer elementi olmasa da, o, İtalyan konseptual rəssam Maurisio Katellanın əsərlərinin sərgisi çərçivəsində nümayiş etdirilirdi. Bununla yanaşı, tualet tamamilə yararsız deyildi — o, kanalizasiya sisteminə qoşulmuşdu və özünün birbaşa məqsədi üzrə istifadə edilə bilərdi.

Ağırlığı təxminən 100 kq olan bu tualet «Amerika» adlanır və artıq zənginlik mövzusuna satirik bir şərh olaraq yaradılmışdı. 2016-cı ildə ilk dəfə Nyu-Yorkdakı Guggenheim Muzeyində nümayiş etdirilib və daha sonra Blenxeym Sarayına Katellanın şəxsi sərgisi üçün köçürülüb. Bu saray, Marlborro Dükalarının, o cümlədən Çörçill ailəsinin mənzilidir.

Səidə