Tramp: HAMAS "sərt oğlanlar" rolunu oynayır

ABŞ prezidenti Donald Tramp bildirib ki, HAMAS-ın radikal nümayəndələri "sərt oğlanlar" kimi davranır və girovların azad edilməsi ilə bağlı onun tələblərini yerinə yetirmək niyyətində deyillər. “Ulusum”.az xəbər verir ki, bu barədə o, Ağ Evdə İordaniya kralı Abdullah II ilə görüşdə danışıb.

Tramp qeyd edib ki, HAMAS-ın girovları kiçik qruplar şəklində və çox pis vəziyyətdə azad etməsi ona xoş gəlmir. Azad olunan şəxslər, Trampın sözlərinə görə, "Holokost dövründə sağ qalanlar" kimi görünür. "Mən iki nəfəri, sonra bir həftə sonra daha iki nəfəri, sonra dörd nəfəri gözləmirəm. Ya onlar [hamısını] şənbə günü saat 12-yə qədər azad edirlər, ya da bütün şərtlər ləğv edilir", - deyə prezident bildirib.

"Bilirsiniz, mənim şənbə gününə qədər son tarixim var və düşünmürəm ki, onlar buna vaxtında çatacaqlar. Məncə, onlar sadəcə özlərini sərt oğlanlar kimi göstərirlər. Amma görəcəyik, görək, həqiqətən sərt oğlanlar kimdir", - deyə Tramp yekunlaşdırıb.

Səidə