Pensiyaçılara şad xəbər: pensiya kapitalları artırılır

Pensiyaçılara şad xəbər: pensiya kapitalları 5.6% artırılır. 2026-cı ildən vətəndaşların yığımları inflyasiya səviyyəsinə uyğun indeksləşdiriləcək.

Ulusum.az xəbər verir ki, bu haqda deputat Vüqar Bayramov bildirib: “Əmək pensiyaları” haqqında qanuna əsasən, sığortaolunanların fərdi şəxsi hesablarında qeydə alınan pensiya kapitalı hər il istehlak qiymətləri indeksinə uyğun artırılır.

Dövlət Statistika Komitəsinin məlumatına görə, 2025-ci ildə illik inflyasiya 5.6% olub. Bu o deməkdir ki, 1 yanvar 2026-cı ilədək qeydə alınmış pensiya kapitalları 5.6% indeksləşdiriləcək.

MƏSƏLƏN
Əgər vətəndaşın pensiya kapitalı 40 000 manatdırsa, artımdan sonra bu məbləğ 42 240 manata çatacaq. Yəni 2 240 manat əlavə olunacaq.

Deputat qeyd edib ki, bununla bağlı Prezidentin sərəncamının yaxın günlərdə imzalanması gözlənilir.

Vurğulanıb ki, pensiya kapitalının indeksləşdirilməsi yığımları inflyasiyadan qorumaq məqsədi daşıyır və bu, əmək pensiyalarının artımı ilə eyni deyil.

Pensiya kapitalı → inflyasiya qədər (5.6%)

Əmək pensiyaları → orta aylıq əməkhaqqı artımına görə (təxminən 9.2%) artırılacaq.

Ulusum.az