İsrailin Sənaya zərbəsi: Yəmən hökumətinin baş naziri öldürüldü

İsrail Yəmənin paytaxtı Sənaya hava zərbəsi endirib. Hücum hökumət üzvlərinin “Ənsar Allah” hərəkatının liderinin çıxışını dinləmək üçün toplandığı vaxt həyata keçirilib.

Mediada yayılan məlumatlara görə, zərbə nəticəsində bir neçə yüksək vəzifəli rəsmi həlak olub.

Yemen Monitorun mənbələrinə istinadən verdiyi xəbərə görə, hücum nəticəsində husilər tərəfindən yaradılmış Yəmən hökumətinin baş naziri Əhməd Qalib ər-Rəhavi öldürülüb.

Mənbələrin bildirdiyinə görə, hücum hökumət rəsmilərinin toplantısı zamanı baş verib və nəticədə bir neçə nəfər, o cümlədən baş nazir həyatını itirib. Onun ölümü barədə məlumatı BƏƏ-dən Erem News da Sənadakı mənbələrinə istinadən təsdiqləyib.

Ulusum.az