İran uranı qorudu – ABŞ və İsrailin hücumlarına baxmayaraq

The New York Times qəzetinin yazdığına görə, İran hələ də zənginləşdirilmiş uran ehtiyatlarına malikdir, baxmayaraq ki, ABŞ və İsrail onun nüvə obyektlərinə bir sıra hücumlar həyata keçirib.

Məlumata əsasən, Fordo və Natanz obyektlərindəki uran ehtiyatları toxunulmamış qala bilər. Eyni zamanda, hər iki ölkənin dəyərləndirməsinə görə, həmin obyektlərdəki bütün sentrifuqlar sıradan çıxarılıb və ya zədələnib.

Qəzet qeyd edir ki, Tehranın bu avadanlıqları yenidən bərpa etməsi real görünmür.

Bununla belə, İranın yeni strategiyaya keçəcəyi ehtimal olunur: nüvə proqramını ölkənin müxtəlif bölgələrində yerləşən kiçik müəssisələrə bölmək və artıq onu iri, mərkəzləşdirilmiş obyektlərdə cəmləməmək.

Ulusum.az