ABŞ İranın nüvə obyektlərinə tarixi zərbə endirdi

ABŞ Prezidenti Donald Tramp, Amerika Hərbi Hava Qüvvələrinin İranın nüvə proqramına aid üç əsas obyektinə uğurlu hava hücumu həyata keçirdiyini açıqlayıb: Fordo, Natanz və İsfahan. Trampın sözlərinə görə, İranın uranı zənginləşdirdiyi əsas zavodlar tamamilə məhv edilib.

İsrail və İran arasında davam edən qarşıdurmaya ABŞ-ın birbaşa müdaxiləsi gözlənilməz addım olub. Tramp indiyədək bu barədə açıq bəyanatlardan çəkinirdi.

İsrail Trampa dəstəyinə görə təşəkkür edib. İran isə obyektlərin tam məhv edilmədiyini bildirərək uran zənginləşdirməyə davam edəcəyini açıqlayıb.

ABŞ-ın hücumu 21 iyun axşamı Vaşinqton vaxtı ilə (Avropa vaxtı ilə 22 iyun səhəri) baş tutub. Tramp sosial şəbəkədə bunları yazıb:
“Fordo, Natanz və İsfahandakı üç nüvə obyektinə uğurla zərbə endirdik. Bütün təyyarələr artıq İran hava məkanından çıxıb və sağ-salamat bazaya qayıdır. Möhtəşəm əsgərlərimizi təbrik edirəm! Dünyada bu əməliyyatı həyata keçirə biləcək başqa bir ordu yoxdur. İndi sülh zamanıdır!”

Tramp daha sonra xalqa müraciət edərək əməliyyatı “qeyri-adi hərbi uğur” adlandırıb və “İranın əsas nüvə təhdidi ləğv edildi” deyə bəyan edib.

Ulusum.az