İranın Nüvə Proqramı həqiqətən çökdümü?

CNN-in məlumatına görə, ABŞ kəşfiyyatının qiymətləndirməsinə əsasən, ABŞ tərəfindən İranın üç nüvə obyektinə endirilən hərbi zərbələr, ölkənin əsas nüvə infrastrukturunu məhv etməyib və ehtimal ki, proqramı sadəcə bir neçə ay geriyə atıb. Bu nəticə dörd məlumatlı mənbənin açıqlamalarına əsaslanır.

Hazırda zərərin dərəcəsi ilə bağlı təhlillər davam edir və yeni məlumatlara əsasən dəyişə bilər. Bu ilkin qiymətləndirmə, prezident Donald Trampın “İranın nüvə obyektləri tamamilə və qəti şəkildə məhv edildi” açıqlamaları ilə ziddiyyət təşkil edir.

İki mənbənin sözlərinə görə:

İranın zənginləşdirilmiş uran ehtiyatı məhv edilməyib,

Sentrifuqalar əsasən toxunulmaz qalıb.

ABŞ-ın B-2 bombardmançıları iki əsas obyekt – Fordo və Nətənz üzərinə onlarla bomba atsa da, sentrifuqalar və yüksək zənginləşdirilmiş uran obyektlərdə salamat qalıb.

Əldə edilən nəticələrə görə, Fordo, Nətənz və İsfahan daxil olmaqla, üç nüvə obyektinə zərbələr əsasən yerüstü infrastruktura ciddi ziyan vurub, ancaq əsas texniki qurğular toxunulmaz qalıb.

ABŞ Dövlət Departamentinin rəsmisi Təmi Brüs isə bildirib ki, zərbə nəticələrinin tam dərc olunması üçün zaman tələb olunur, lakin prezident “reydin uğurundan məmnun olduğunu” bəyan edib.

Ulusum.az